Վարչապետը շնորհավորական ուղերձ է հղել Իռլանդիայի վարչապետին

Վարչապետ Նիկոլ Փաշինյանը շնորհավորական ուղերձ է հղել Իռլանդիայի վարչապետ Միխել Մարտինին՝ ազգային տոնի առթիվ:

«Ջերմորեն շնորհավորում եմ Ձեզ և Իռլանդիայի բարեկամ ժողովրդին Իռլանդիայի ազգային տոնի՝ Սուրբ Պատրիկի օրվա առթիվ:

Հայաստանը մեծապես կարևորում է Իռլանդիայի հետ ընդհանուր արժեհամակարգի վրա խարսխված երկկողմ և բազմակողմ փոխգործակցության զարգացումն ու ընդլայնումը՝ ի շահ մեր երկու բարեկամ ժողովուրդների։

Վստահ եմ, որ 2021 թվականի մարտի 1-ից ուժի մեջ մտած ՀՀ-ԵՄ Համապարփակ և ընդլայնված գործընկերության համաձայնագիրը նոր հնարավորություններ կընձեռի ոչ միայն ՀՀ-ԵՄ համագործակցությունն ավելի բարձր մակարդակի բարձրացնելու, այլև հայ-իռլանդական փոխշահավետ համագործակցությանը նոր խթան հաղորդելու համար։

Մաղթում եմ Ձեզ հաջողություններ և բեղմնավոր գործունեություն, իսկ Իռլանդիայի բարեկամ ժողովրդին՝ խաղաղություն ու բարեկեցություն»,- նշված է վարչապետի շնորհավորական ուղերձում։

https://www.1lurer.am/hy/2021/03/17/%D5%8E%D5%A1%D6%80%D5%B9%D5%A1%D5%BA%D5%A5%D5%BF%D5%A8-%D5%B7%D5%B6%D5%B8%D6%80%D5%B0%D5%A1%D5%BE%D5%B8%D6%80%D5%A1%D5%AF%D5%A1%D5%B6-%D5%B8%D6%82%D5%B2%D5%A5%D6%80%D5%B1-%D5%A7-%D5%B0%D5%B2%D5%A5%D5%AC-%D4%BB%D5%BC%D5%AC%D5%A1%D5%B6%D5%A4%D5%AB%D5%A1%D5%B5%D5%AB-%D5%BE%D5%A1%D6%80%D5%B9%D5%A1%D5%BA%D5%A5%D5%BF%D5%AB%D5%B6/435108

Հրապարակման հեղինակը