Մյանմայում ազատ են արձակել ակցիայի ընթացքում ձերբակալված անձանց

Մյանմայի զինվորական իշխանություններն ազատ են արձակել 628 մարդու, որոնց ձերբակալել Էին զանգվածային բողոքներին մասնակցելու համար: Ինչպես տեղեկացնում Է «Արմենպրես»-ը, մարտի 24-ին այդ մասին հաղորդել Է Associated Press (AP) գործակալությունը:

Գործակալությունը հայտում Է ականատեսների խոսքն այն մասին, որ Յանգոնի բանտից ավտոբուսները դուրս են բերում ձերբակալվածներին, որոնց մեծ մասը կազմում են բողոքի ակցիաների երիտասարդ մասնակիցները: Մյանմայի զինվորականները փետրվարի 1-ից հայտարարել են մեկ տարի ժամկետով արտակարգ դրություն սահմանելու եւ երկրի ղեկավարությանը պաշտոնանկ անելու մասին: Բանակի ներկայացուցիչները դա բացատրել են 2020 թվականի նոյեմբերին կայացած ընտրություններում ընդգրկուն կեղծարարություններով:

Զինվորականները կազմել են նախարարների նոր կաբինետ: Հանրապետության բնակիչները փետրվարի սկզբից դուրս են գալիս բողոքի ակցիաների, որոնք խստորեն կասեցվում են անվտանգության ուժերի կողմից: Քաղաքական բանտարկյալների օգնության ասոցիացիայի տվյալներով՝ Մյանմայում բողոքի ակցիաների մասնակիցների եւ ոստիկանության ու զինվորականների միջեւ ընդհարումների հետեւանքով զոհվածների թիվը փետրվարի 1-ից ի վեր հասել Է 250-ի:

Կալանավորվել եւ ազատազրկման Է դատապարտվել 2 665 քաղաքացի, եւս 2 290-ը ձերբակալված Է կամ գտնվում Է կալանավորման սպառնալիքի տակ: ՄԱԿ-ը հայտնել Է Մյանմայում բողոքավորների թվում 211 զոհերի մասին: Կազմակերպության գլխավոր քարտուղար Անտոնիու Գուտերիշը դատապարտել Է Մյանմայում դաժան բռնությունը զինվորականների կողմից, հաղորդել Է ՏԱՍՍ-ը:

https://armenpress.am/arm/news/1046979.html

Հրապարակման հեղինակը