Հայաստանի գործարարները կարող են մասնակցել Տաշքենդում կայանալիք միջազգային արդյունաբերական ցուցահանդեսին

Էկոնոմիկայի նախարարությունից տեղեկացնում են, որ ապրիլի 5-7-ը Տաշքենդում՝ «Ուզէքսպոցենտր» ցուցահանդեսային համալիրում, կանցկացվի «ԻՆՆՈՊՐՈՄ․ Մեծ արդյունաբերական շաբաթ Ուզբեկստանում» միջազգային արդյունաբերական ցուցահանդեսը։

Ցուցահանդեսի նպատակն է Կենտրոնական Ասիայի երկրների հետ արդյունաբերական համագործակցության ընդլայնումը, արդյունաբերության զարգացման նոր կետերի բացահայտումը, գործարար կապերի հաստատումը և ամրապնդումը, համատեղ ձեռնարկությունների ստեղծումը։

Ցուցահանդեսը կունենա մեքենաշինության, մետաղագործության, թեթև արդյունաբերության, էներգետիկայի, քիմիայի, դեղագործական և բժշկական արտադրանքի բաժիններ։    

Ցուցահանդեսին իրենց արտադրանքը կներկայացնեն Ռուսաստանի, Ուզբեկստանի, Ֆրանսիայի, Բելառուսի, Ղազախստանի ինչպես խոշոր ընկերությունները, այնպես էլ միջին և փոքր բիզնեսի ներկայացուցիչները:

Հայաստանի ընկերությունները նույնպես կարող են մասնակցել ցուցահանդեսին՝ ներկայացնելով իրենց արտադրանքը։

Ցուցահանդեսին մասնակցելու համար գրանցման մանրամասներին կարելի է ծանոթանալ հղումով:

ՀՀ էկոնոմիկայի նախարար Վահան Քերոբյանը ապրիլի 5-ին Ուզբեկստանի մայրաքաղաք Տաշքենդում կմասնակցի ԵԱՏՄ արդյունաբերական քաղաքականության խորհրդի 3-րդ նիստի աշխատանքներին, ինչպես նաև կմասնակցի ցուցահանդեսի միջոցառումներին։  

https://www.1lurer.am/hy/2021/03/23/%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%AB-%D5%A3%D5%B8%D6%80%D5%AE%D5%A1%D6%80%D5%A1%D6%80%D5%B6%D5%A5%D6%80%D5%A8-%D5%AF%D5%A1%D6%80%D5%B8%D5%B2-%D5%A5%D5%B6-%D5%B4%D5%A1%D5%BD%D5%B6%D5%A1%D5%AF%D6%81%D5%A5%D5%AC-%D5%8F%D5%A1%D5%B7%D6%84%D5%A5%D5%B6%D5%A4%D5%B8%D6%82%D5%B4-%D5%AF%D5%A1%D5%B5%D5%A1%D5%B6%D5%A1%D5%AC%D5%AB%D6%84-%D5%B4%D5%AB%D5%BB%D5%A1%D5%A6%D5%A3%D5%A1%D5%B5%D5%AB%D5%B6-%D5%A1%D6%80%D5%A4%D5%B5%D5%B8%D6%82%D5%B6%D5%A1%D5%A2%D5%A5%D6%80%D5%A1%D5%AF%D5%A1%D5%B6-%D6%81%D5%B8%D6%82%D6%81%D5%A1%D5%B0%D5%A1%D5%B6%D5%A4/439474

Հրապարակման հեղինակը