Կոմունիկացիաների բացմամբ Հայաստանի տնտեսության վիճակը կարող է էականորեն փոխվել

Առաջ գնալու կարևոր նախապայմաններից մեկը կոմունիկացիաների և ճանապարհների բացումն է: Այդ մասին Արագածոտնի մարզի Ներքին Բազմաբերդ համայնքի բնակիչների հետ հանդիպմանն ասել է վարչապետ Նիկոլ Փաշինյանը: 

«Ինչ էլ ասեն, կոմունիկացիաների բացումը փոխշահավետ թեմա է: Եթե որևէ մեկը կասի, որ ճանապարհների բացումը ձեռնտու է միայն Ադրբեջանին, չհավատաք, եթե ասեն, որ կոմունիկացիաների բացումը ձեռնտու է միայն Հայաստանին, էլի չհավատաք, դա ձեռնտու է և՛ Հայաստանին, և՛ Ադրբեջանին: 

Այս քննարկումներում շատ են լինելու շահարկումներ, բայց լուծումը կոմունիկացիաների բացումն է լինելու, դա ձեռնտու է Ադրբեջանին, քանի որ նա պետք է կապ ունենա Նախիջևանի հետ, Հայաստանին, որովհետև մենք ապահով ցամաքային և երկաթուղային կապ կունենանք Ռուսաստանի և Իրանի հետ: Դա նշանակում է, որ մեր երկրի տնտեսության վիճակը կարող է էականորեն փոխվել: 

Եթե մեզ հաջողվի բացել ՀՀ երկաթուղային ուղիները, մենք կկարողանանք պղինձը ոչ թե հանքաքարի ձևով արտահանել, այլ կստեղծենք պղնձաձուլարաններ՝ ապահովելու հետագա մշակման շղթան: Բայց դրա համար պետք է մենք՝ որպես պետություն, ընդերքի նկատմամբ ժողովրդի սեփականության իրավունքը պաշտպանենք, որ ընդերքը ծառայի ոչ թե առանձին անհատների, այլ ՀՀ ժողովրդի բարեկեցությանը»,- ընդգծեց Կառավարության ղեկավարը: 

https://www.1lurer.am/hy/2021/03/20/%D4%BF%D5%B8%D5%B4%D5%B8%D6%82%D5%B6%D5%AB%D5%AF%D5%A1%D6%81%D5%AB%D5%A1%D5%B6%D5%A5%D6%80%D5%AB-%D5%A2%D5%A1%D6%81%D5%B4%D5%A1%D5%B4%D5%A2-%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%AB-%D5%BF%D5%B6%D5%BF%D5%A5%D5%BD%D5%B8%D6%82%D5%A9%D5%B5%D5%A1%D5%B6-%D5%BE%D5%AB%D5%B3%D5%A1%D5%AF%D5%A8-%D5%AF%D5%A1%D6%80%D5%B8%D5%B2-%D5%A7-%D5%A7%D5%A1%D5%AF%D5%A1%D5%B6%D5%B8%D6%80%D5%A5%D5%B6-%D6%83%D5%B8%D5%AD%D5%BE%D5%A5%D5%AC-%D5%BE%D5%A1%D6%80%D5%B9%D5%A1%D5%BA%D5%A5%D5%BF/437725

Հրապարակման հեղինակը