Կիսապաշտպան Գևորգ Ղազարյանը, հավանաբար, չի մասնակցի Լիխտենշտեյնի դեմ խաղին
Հայաստանի ֆուտբոլի ազգային թիմի կիսապաշտպան Գևորգ Ղազարյանը, հավանաբար, չի մասնակցի Լիխտենշտեյնի դեմ խաղին:
Այս մասին հայտնում է ՀՖՖ-ն: Հավաքականի մարզման ընթացքում Ղազարյանը անցկացրել է անհատական մարզում ֆիզիոթերապևտ Պաբլո Լյանեսի հետ:
Մարտին Հայաստանի ազգային հավաքականը կանցկացնի 3 հանդիպում: Մարտի 25-ին՝ ժամը 23:45-ին (Երևանի ժամանակով)՝ Վադուցի «Ռեյնպարկ» մարզադաշտում, կկայանա Աշխարհի 2022 թ. առաջնության ընտրական փուլի J խմբի առաջին տուրի Լիխտենշտեյն-Հայաստան հանդիպումը: Մարտի 28-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում, կկայանա երկրորդ տուրի Հայաստան-Իսլանդիա հանդիպումը, իսկ մարտի 31-ին՝ ժամը 20:00-ին՝ Հայաստան-Ռումինիա հանդիպումը: