Լավրովն ու Չավուշօղլուն քննարկել են Արցախում ստեղծված իրավիճակը

Ռուսաստանի արտգործնախարար Սերգեյ Լավրովը Կատարում կայացած հանդիպման ժամանակ թուրք գործընկերոջ՝ Մևլութ Չավուշօղլուի հետ քննարկել է Լեռնային Ղարաբաղում տեղի ունեցող իրադարձությունները: Այս մասին տեղեկանում ենք Չավուշօղլուի թվիթերյան գրառումից՝ փոխանցում է Ermenihaber-ը:

​Կողմերը քննարկել են երկկողմ հարաբերությունները, ինչպես նաև վերջին իրադարձությունները Ղարաբաղում, Լիբիայում և Սիրիայում։

Չավուշօղլուն հայտնել է, որ Թուրքիայի Մերսին նահանգի Գյուլնարի շրջանում տրվել է «Աքքույու» ատոմակայանի երրորդ էներգաբլոկի կառուցման մեկնարկը։

Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան Ֆեյսբուքի իր էջում հայտնել էր, որ երկու երկրների արտաքին քաղաքական գերատեսչությունների ղեկավարների հանդիպումը տեղի է ունեցել հենց օդանավակայանում, որտեղ ռուսական պատվիրակությունը ժամանել է Սաուդյան Արաբիայից, իսկ թուրքականը ՝ Ղրղզստանից:

https://www.1lurer.am/hy/2021/03/11/%D4%BC%D5%A1%D5%BE%D6%80%D5%B8%D5%BE%D5%B6-%D5%B8%D6%82-%D5%89%D5%A1%D5%BE%D5%B8%D6%82%D5%B7%D6%85%D5%B2%D5%AC%D5%B8%D6%82%D5%B6-%D6%84%D5%B6%D5%B6%D5%A1%D6%80%D5%AF%D5%A5%D5%AC-%D5%A5%D5%B6-%D4%B1%D6%80%D6%81%D5%A1%D5%AD%D5%B8%D6%82%D5%B4-%D5%BD%D5%BF%D5%A5%D5%B2%D5%AE%D5%BE%D5%A1%D5%AE-%D5%AB%D6%80%D5%A1%D5%BE%D5%AB%D5%B3%D5%A1%D5%AF%D5%A8/431582

Հրապարակման հեղինակը