Իրավական օգնության շրջանակում Վրաստանից և Չեռնոգորիայից Հայաստան են տեղափոխվել հետախուզվող երկու անձինք

Warning: sprintf(): Too few arguments in /home/akcentam/public_html/yerevanlur.am/wp-content/themes/covernews-pro/lib/breadcrumb-trail/inc/breadcrumbs.php on line 507

Իրավական օգնության շրջանակում Վրաստանից և Չեռնոգորիայից Հայաստան են տեղափոխվել հետախուզվող երկու անձինք

Հայաստանի Հանրապետության գլխավոր դատախազության և Վրաստանի գլխավոր դատախազության միջև համագործակցության արդյունքում Վրաստանի իրավասու մարմինների կողմից 2022 թվականի դեկտեմբերի 27-ին բավարարվել է սպանության փորձ կատարելու մեղադրանքով հետախուզվող Ռ.Խ.-ին Հայաստանի իրավասու մարմիններին հանձնելու մասին ՀՀ գլխավոր դատախազության միջնորդությունը:

Ինչպես տեղեկացրին ՀՀ դատախազությունից, Հայաստանի Հանրապետության ոստիկանությանը հանձնարարվել է ապահովել վերջինիս տեղափոխումը: 2022 թվականի դեկտեմբերի 30-ին Ռ.Խ.-ն տեղափոխվել է Երևան:

Նշվում է, որ Հայաստանի Հանրապետության գլխավոր դատախազության, ՀՀ ոստիկանության և Չեռնոգորիայի իրավասու մարմինների միջև համագործակցության արդյունքում ՀՀ ոստիկանության ուղեկցող օպերատիվ աշխատակիցների խումբը 2022 թվականի դեկտեմբերի 29-ին Երևան է տեղափոխել ՀՀ իրավասու մարմինների կողմից հետախուզվող Կ.Ս.-ին:

Կ.Ս.-ն հետախուզվում էր հանցավոր ճանապարհով ձեռք բերված եկամուտ հանդիսացող առանձնապես խոշոր չափերով՝ 98 մլրդ դրամը գերազանցող գումար օրինականացնելու վերաբերյալ քրեական գործի շրջանակներում:

Հրապարակման հեղինակը

Միացիր մեր կայքին