«Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է նախաձեռնել
Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել: Այդ մասին հայտնեց Երևանի ավագանու մեծամասնությունը կազմող խմբակցության անդամ Արմեն Կոտոլյանը:
Նրա խոսքով՝ արդեն հաջողվել է հավաքել ավագանու անդամների՝ քաղաքապետին անվստահություն հայտնելու գործընթաց սկսելու համար անհրաժեշտ 33-ից ավելի ստորագրություններ:
Հայկ Մարությանը Երևանի քաղաքապետ էր ընտրվել 2018 թ. սեպտեմբերի 23-ին տեղի ունեցած ընտրությունների արդյունքում: Մարությանը գլխավորում էր «Իմ քայլը» դաշինքի ցուցակը: «Իմ քայլը» դաշինքը ստացել էր ընտրողների ձայների ավելի քան 81 տոկոսը: