Թուրքական ոստիկանությունը ձերբակալում է ընդդիմադիր քրդամետ կուսակցության անդամներին

Թուրքական ոստիկանությունը ձերբակալել է ընդդիմադիր քրդամետ Ժողովուրդների դեմոկրատական ​​կուսակցությունից շրջանային երեք բարձրաստիճան պաշտոնյայի: Նրանց ու ևս յոթի ձերբակալությունն իրականացվել է քուրդ զինյալների դեմ գործողության արդյունքում, որը սկսվել է ԺԴԿ-ն փակելու համար դատական ​​գործ հարուցելուց հետո՝ հայտնում է reuters-ը:

Չորեքշաբթի Թուրքիայի դատախազը հայց էր ներկայացրել Սահմանադրական դատարան՝ պահանջելով արգելել ԺԴԿ-ի գործունեությունը, ինչը դարձավ տարիներ շարունակ խորհրդարանում մեծությամբ երրորդ կուսակցության նկատմամբ գործադրված ճնշումների գագաթնակետը: Ժողովուրդների դեմոկրատական ​​կուսակցությունը դա անվանեց «քաղաքական հեղաշրջում»:

Ընդհանուր առմամբ տրվել է 15 անձի ձերբակալման հրահանգ:

ԱՄՆ-ը և Եվրոպան քննադատել են կուսակցության անդամների նկատմամբ դատական ​​գործեր հարուցելու իշխանության քայլը` ասելով, որ դա խաթարում է ժողովրդավարությունը: Նախագահ Ռեջեբ Թայիփ Էրդողանի խոսնակը, սակայն, պարզաբանել է, որ քրդամետ կուսակցությունը կապեր ունի անօրինական Քուրդստանի աշխատավորական կուսակցության զինված խմբավորման հետ:

https://www.1lurer.am/hy/2021/03/19/%D4%B9%D5%B8%D6%82%D6%80%D6%84%D5%A1%D5%AF%D5%A1%D5%B6-%D5%B8%D5%BD%D5%BF%D5%AB%D5%AF%D5%A1%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8-%D5%B1%D5%A5%D6%80%D5%A2%D5%A1%D5%AF%D5%A1%D5%AC%D5%B8%D6%82%D5%B4-%D5%A7-%D5%A8%D5%B6%D5%A4%D5%A4%D5%AB%D5%B4%D5%A1%D5%A4%D5%AB%D6%80-%D6%84%D6%80%D5%A4%D5%A1%D5%B4%D5%A5%D5%BF-%D5%AF%D5%B8%D6%82%D5%BD%D5%A1%D5%AF%D6%81%D5%B8%D6%82%D5%A9%D5%B5%D5%A1%D5%B6-%D5%A1%D5%B6%D5%A4%D5%A1%D5%B4%D5%B6%D5%A5%D6%80%D5%AB%D5%B6/437024

Հրապարակման հեղինակը