Դեսպան Ենգիբարյանն ու ԳԴՀ նախագահը քննարկել են հայ-գերմանական համագործակցության զարգացման հեռանկարները
ԳԴՀ նախագահ Ֆրանկ-Վալտեր Շտայնմայերը դեկտեմբերի 14-ին ընդունել է ՀՀ նորանշանակ դեսպան Վիկտոր Ենգիբարյանին՝ հավատարմագրերի հանձնման առիթով: Գերմանիայում Հայաստանի դեսպանությունը տեղեկացնում է, որ շնորհավորելով դեսպանին նշանակման կապակցությամբ` նախագահը նրան մաղթել է արդյունավետ աշխատանք և հաջողություն իր առաքելության ընթացքում:
Շնորհակալություն հայտնելով ընդունելության և բարեմաղթանքների համար՝ դեսպան Ենգիբարյանը նշել է, որ առավելագույն ջանքերը կներդնի երկու երկրների միջև բարեկամական կապերի հետագա ամրապնդման նպատակով:
Առանձնազրույցի ընթացքում քննարկվել են քաղաքական, տնտեսական, մշակութային և մի շարք այլ ոլորտներում հայ-գերմանական համագործակցության զարգացման հեռանկարները: