Գիտությունը երկրի զարգացման միակ ճանապարհն է. Հայաստանի տնտեսությունն ավելի կմոտենա գիտությանը
ՀՀ էկոնոմիկայի նախարարությունը նոր քաղաքականություն է մշակել, որն առաջիկայում կներկայացնի լայն քննարկման. դրանում առանցքային դեր և նշանակություն կտրվի գիտությանը:
Նրա խոսքով՝ նախորդ վեց ամսվա ընթացքում Կրթության զարգացման և նորարարությունների ազգային կենտրոնում փոխել են մենեջմենթը. նոր ծրագրով են հանդես գալիս՝ ձգտելով տեխնոլոգիական փոխակերպումը դարձնել ավելի նյութական և սկսել սիստեմավորված դրա վրա աշխատել: Հաջորդ տարի պատրաստ կլինեն կրթության համակարգի վերաբերյալ ծրագրով ներկայանալ, ասել, թե տնտեսությանը տարբեր ոլորտներից ինչ մասնագետներ են հարկավոր:
«Այժմ կրթությունը և տնտեսությունն իրարից անկախ են աշխատում: Մեր նպատակն է այնպես անել, որ այդ բնագավառները համահունչ լինեն ու նպաստեն մեր առջև ծառացած մարտահրավերների հաղթահարմանը»,-եզրափակեց Քերոբյանը:
«Հայաստանը՝ որպես արդի արդյունաբերական և գիտահեն պետություն» ֆորումը, որը նախաձեռնել է Առաջատար տեխնոլոգիաների ձեռնարկությունների միությունը ՀՀ բարձր տեխնոլոգիական արդյունաբերության նախարարության հետ, անցկացվում է մայիսի 15-16-ին Դիլիջանում: