ԱՄՆ-ն հիմա կախում կունենա ռուսական նավթից

ԱՄՆ-ի նախկին նախագահ Դոնալդ Թրամփը պնդել է, որ Ջո Բայդենի պաշտոնավարման ընթացքում ԱՄՆ-ն արդեն իսկ կորցրել է իր կարգավիճակն էներգետիկ ոլորտում և կախված կլինի ներմուծվող նավթից, հայտնում է «ՌԻԱ Նովոստի» լրատվական գործակալությունը:

Նախօրեին ելույթ ունենալով Օռլանդոյում Պահպանողական քաղաքական գործողության ամենամյա համաժողովում՝ Թրամփը քննադատել է Փարիզի կլիմայի համաձայնագրին վերադառնալու ԱՄՆ-ի որոշումը։ Նա պնդել է, որ ինքը հասել էր «էներգետիկ գերակայության» և Միացյալ Նահանգները դարձրել  «էներգետիկ գերտերություն»՝ «ավելին, քան Սաուդյան Արաբիան, ավելին, քան Ռուսաստանն է»:

«Արմատական դեմոկրատների օրոք բենզինն արդեն իսկ թանկացել է մեկ երրորդով», – ասել է Թրամփը՝ հակառակ այն հանգամանքին, որ ԱՄՆ-ի վարչակազմը չի սահմանում վառելիքի գները և հավելել․ «Այժմ մենք նավթի մատակարարման հարցում կախվածություն կունենանք Ռուսաստանից և Մերձավոր Արևելքից»։

https://www.tert.am/am/news/2021/03/01/Trump/3539232

Հրապարակման հեղինակը